Baku Electronics müştəri kartlarının istifadə qaydaları

1. Terminlər
   
   
   • Müştəri kartı - “Baku Electronics” MMC-nin müştəri loyallıq proqramına üzvlük kartıdır.
   • Müştəri – “Baku Electronics” MMC-nin loyallıq proqramında qeydiyyatdan keçmiş şəxsdir.
   • OTP (One-time password) - Əməliyyatların icrası zamanı istifadə edilən birdəfəlik məxfi koddur.
     
     
2. Ümumi şərtlər
   
   
   • Müştəri kartı Baku Electronics şirkətinə məxsusdur və müştəri tərəfindən qorunması vacibdir.
   • Müştəri kartını 18 yaşına çatmış fiziki şəxslər könüllü və heç bir məbləğ ödəmədən əldə edə bilər.
   • Loyallıq proqramında iştirak etmək üçün müvafiq anketi doldurmaqla qeydiyyatdan keçmək tələb olunur.
   • Anketdə göstərilən şəxsi məlumatlar müştəri tərəfindən qeyd edilməlidir.
   • Müştəri anketi doldurulmasında istfiadə olumuş məlumatların düzgünlüyü haqqında bütün məsuliyyəti öz üzərinə götürür.
   • “Baku Electronics” MMC-nin loyallıq proqramı çərçivəsində müştəriyə eyni zamanda iki və daha artıq Müştəri kartı verilə bilməz.
   • Müştərilər qeyd etdiyi əlaqə məlumatı (mobil nömrə) vasitəsi ilə OTP kod əldə edir.
   • OTP Müştəri kartında toplanan keşbeki xərcləmək üçün istifadə olunur.
   • Baku Electronics MMC loyallıq proqramının şərtlərində dəyişiklik etmək hüququnu özündə saxlayır.
   • Müştəri şirkətə şəxsi məlumatlarının loyallıq proqramı daxilində istifadəsinə tam icazə verir.
   • Müştəri reklam xarakteri daşıyan informasiyanın sms, elektron poçt və zəng vasitəsi ilə ona çatdırılmasına tam icazə verir.
   • Aşağıdakı hallar baş verərsə, Baku Electonics loyallıq proqramına üzv olan müştərini üzvlükdən çıxarmaq hüququna malikdir:
     - Müştəri şəxsi məlumatlarını düzgün qeyd etmədikdə;
     - Müştəri düzgün və ədalətli olmayan yollarla kartına keşbek topladıqda;
   • Keşbek hesabının ləğv edilməsi, itirilmiş kartın nüsxəsinin çıxarılması müraciət əsasında həyata keçirilir.

3. Keşbek toplanma qaydası
   
   
   • Ödəniş formasından (taksit kartları istisna olmaqla) və yerindən asılı olmayaraq müştəri etdiyi bütün alışların məbləğinin 1%-ini keşbek olaraq qazanır.
   • Keşbek avtomatik olaraq kartın balansına daxil edilir.
   • Qazanılan keşbek 14 gün sonra aktiv edilir.
   • 1 (bir) keşbek 1 (bir) Azərbaycan manatına (AZN) ekvivalentdir.
   • Keşbek hədiyyə edilmir və bir müştərinin keşbeki digər müştərinin kartına köçürülə bilməz
   • Keşbek pula dəyişmək mümkün deyil.
   • Aksiya şərtlərinə müvafiq olaraq qazanılan keşbek həcmi fərqli ola bilər.

3. Keşbek istifadə qaydası
   
   
   • Müştəri aktivləşmiş keşbek ilə Baku Electronics-in pərakəndə və onlayn mağazalarında mal və xidmətləri qismən və ya tam şəkildə ödəyə bilər.
   • Keşbek xronoloji ardıcıllıqla istifadə olunur. 1 (bir) il ərzində istifadə edilməmiş keşbek məbləği müştərinin keşbek hesabından silinir.
   • Bir satışda yalnız bir müştərinin adına bağlı müştəri kartı istifadə oluna bilər.
   • Kreditlə alış zamanı keşbek yalnız ilkin ödəniş kimi təyin edilmiş məbləğin ödənilməsində istifadə oluna bilər.
   • Malların qaytarılması zamanı bu malın alınmasında hesablanmış keşbek müştərinin kart balansından silinir.
   • Müştəri özünə məxsus keşbekin qeyri-qanuni istifadə halları aşkarladıqda bu barədə dərhal Baku Electronics-a məlumat verməlidir.