eSim nədir? Necə istifadə edilir?

Hər şeyin rəqəmsallaşdığı dövrdə e-Sim texnologiyasının gəlişi fiziki sim kartdan istifadə məcburiyyətini də sona çatdırır. 

eSim-in işləmə prinsipi çox sadədir. Operatorun təyin etdiyi tətbiqə daxil olaraq bir neçə tənzimləməni həyata keçirməklə eSimi aktivləşdirmək mümkündür. Daha asan yol isə yenə operatorun təqdim etdiyi QR kodu skan etmək olacaq.

Əgər siz eyni anda bir çox nömrədən istifadə etmək istəsəniz eSim bunu da mümkün edir. Bu texnologiyanın hesabına tək cihazda 2-dən artıq nömrəni aktiv etmək mümkündür.

eSim funksionallıq baxımından fiziki sim kart ilə heç bir fərqə sahib deyil. Bu texnologiya sadəcə smartfonunuza heç bir fiziki sim kart taxmadan öz nömrənizdən aktiv şəkildə istifadə etməyə imkan yaradır.

Amma e-Sim sadəcə tətbiqlə çalışmır. Bu funksiyanı dəstəkləyən smartfonların içində eSim çipi yerləşdirilir. Fiziki sim kartın gördüyü işi bu çip yerinə yetirir. Amma adi sim kart sadəcə bir nömrəni işlədə bildiyi halda bu çip tənzimləməyə edilən düzəlişlə eyni anda birdən çox nömrəni aktiv edə bilir.